Նրբաբլիթներ

Ուտեստի անվանումը ծագում է հին սլավոնական „mlin” բառից, որը նշանակում է բարակ նրբաբլիթ. այն հաճախ մատուցվում է կարտոֆիլային կամ պանրային միջուկով, ինչպես նաև մրգերով: Պանրային նրբաբլիթները հրեական խոհանոցի ավանդական կերակուրներից են, որոնք հիմնականում պատրաստում են Հոգեգալուստի տոնի ժամանակ:

1. Խմորի պատրաստում՝
2. Մեծ տարայի մեջ լցնել կաթն ու ջուրը:
3. Մեջը լցնել ձուն և լավ հարել:
4. Ավելացնել շաքարավազը (միայն քաղցր միջուկի դեպքում), աղը և ձեթը: Լավ խառնել:
5. Աստիճանաբար ավելացնել ալյուրն այնպես, որ արդյունքում ստացվի առանց գնդիկների, թթվասերի խտության խմոր:
6. Տապակել թավայի մեջ՝ լավ տաքացրած ձեթի վրա: Խմորը պետք է բարակ շերտով ծածկի թավայի ողջ մակերեսը: Երբ բլիթի ներքևի մասը դառնա դեղնաշագանակագույն, շրջել և տապակել մյուս կողմից:
7. Կաթնաշոռով միջուկի պատրաստումը՝
8. Բացի չամիչից բոլոր բաղադրիչները խառնել հարիչի օգնությամբ մինչև միատարր զանգվածի ստացումը:
9. Ավելացնել չամիչը և լավ խառնել:
10. Յուրաքանչյուր բլիթի վրա դնել ստացված խառնուրդից 4 գդալ:
11. Սնկային միջուկի պատրաստումը՝
12. Մարգարինը տաքացնել թավայի մեջ:
13. Տապակել սոխը մինչև կարմրելը:
14. Սունկը կտրտել երկարավուն շերտերով, ավելացնել սոխը և շոգեխաշել:
15. Ալյուրն ավելացնել այնպես, որ գնդիկներ չլինեն:
16. Աստիճանաբար ավելացնել ջուրը:
17. Ավելացնել աղ և պղպեղ ըստ ճաշակի:
18. Շոգեխաշել մինչև դառնա թանձր զանգված:
19. Մատուցում. միջուկից 2 գդալ դնել բլիթի վրա: