Չիզքեյք

Գերմանական աղբյուրների համաձայն՝ չիզքեյքի ամենահին բաղադրատոմսը հայտնի էր դեռ 1596 թվականից, երբ Աննա Ալյարմն առաջին անգամ ներկայացրել էր այն իր խոհարարական գրքում: Իսկ արդեն 100 տարի անց Նյուրնբերգյան բաղադրատոմսերի գրքում նշված էր այս աղանդերի պատրաստման մի քանի տարբերակ:

Չիզքեյքի հիմքը միշտ կաթնաշոռն է՝ պարտադիր անալի, որի հետ խառնում են շաքարավազ, հավկիթ և կաթ, որից հետո ստացված խառնուրդը թխում են: Չիզքեյքի մեջ հաճախ ավելացնում են հատապտուղներ՝ մորի, մոշ, բալ, կարմիր և սև հաղարջ, հապալաս, ինչպես նաև միրգ և ընդեղեն՝ խնձոր, սալոր, նարինջ, չամիչ, նուշ և այլն:

1. Բլիթը՝
2. Մեծ ափսեի մեջ խառնել բոլոր բաղադրիչներրը: Ավելացնել կարագը, խառնել մինչև խմորի միասեռ դառնալը:
3. Խմորը բաժանել 2 հավասար մասի:
4. Առաջին կեսով ծածկել թավայի հատակը, մյուս կեսը լցնել մինչև եզրային գծի մակարդակ:
5. Կարելի է նաև փորձել ձեռքով ձև տալ:
6. Միջուկը լցնելուց առաջ սառեցնել:
7. Միջուկը՝
8. Ջեռոցը տաքացնել մինչև 190°C:
9. Կաթնաշոռն անցկացնել մաղով:
10. Եգիպտացորենի օսլան խառնել սոդայի հետ:
11. Մեծ տարայի մեջ խառնել կաթնաշոռը, շաքարավազը, հավկիթները, կիտրոնի կեղևի քերուկը և վանիլինը:
12. Հարել մինչև դառնա միասեռ զանգված:
13. Ավելացնել եգիպտացորենի օսլայի և սոդայի խառնուրդը:
14. Ավելացնել թթվասերն ու չամիչը և լավ խառնել:
15. Լցնել ստացված զանգվածը բլիթի մեջ և թխել մեկ ժամ:
16. Միջուկը պետք է լինի փափուկ:
17. Ջեռոցն անջատել և ջեռոցի դուռը բաց թողնել:
18. Թողնել, որ խմորը սառի մինչև սենյակային ջերմաստիճանի:
19. Մատուցել սենյակային ջերմաստիճանի հասցրած վիճակում: