Ռատատույ

Ռատատույն իր ծագումն առել է Նիցայում: Այս ճաշատեսակի հիմնական բաղադրիչներն են բանջարեղենը՝ սմբուկը, պղպեղը, լոլիկը, դդմիկը և ցուկինին: Այն կարող է մատուցվել որպես հիմնական ճաշատեսակ կամ որպես նախուտեստ:

1. Սմբուկը լվանալ և խորանարդիկներով կտրտել:
2. Վրան աղ ցանել և թողնել մաղի մեջ, որպեսզի ջուրը դուրս տա:
3. Լոլիկը կեղևահան անել, չորս մասի կտրտել և հանել սերմերը:
4. Կտրտել սոխը, ցուկինին, պղպեղները և դդմիկը խորանարդիկներով:
5. Մեծ թավայի մեջ տաքացնել ձեթը, ավելացնել ցուկինին, դդմիկը և տապակել 4 - 6 րոպե մինչև դարչնագույն դառնան: Չորացնել և առանձին կաթսայի մեջ դնել:
6. 2 ճաշի գդալ թարմ ձիթապտղի յուղ լցնել թավայի մեջ և տապակել պղպեղները 5 րոպե: Հետո դնել դրանք թավայի մեջ մյուս բանջարեղենների հետ:
7. Լվացած և չորացած սմբուկը տապակել 3-4 ճաշի գդալ տաք ձեթի մեջ: Չթողնել, որ վառվի: 6-8 րոպե հետո, երբ սմբուկը կդառնա թեթևակի շագանակագույն և փափուկ, դնել այն թավայի մեջ մյուս բանջարեղենների հետ:
8. 3 ճաշի գդալ ձեթ լցնել թավայի մեջ, դնել սոխը և ճզմած սխտորը, հետո ավելացնել գինի և սպասել մինչև կգոլորշիանա: Ավելացնել լոլիկը, ուրցը և 2 ճաշի գդալ մաղադանոսը:
9. Եփել 8-12 րոպե մարմանդ կրակի վրա: Դրանից հետո ավելացնել բոլոր բանջարեղենները և ամբողջը եփել մարմանդ կրակի վրա 12 րոպե: Երբ բանջարեղենը փափկի, վերցնել կրակից և խառնել մնացած մաղադանոսի և 4 ճաշի գդալ ռեհանի հետ:
10. Համեմել աղով, պղպեղով, թարմ քամած կիտրոնի հյութով և մնացած ռեհանով:
11. Ուտեստը կարելի է մատուցել տաք կամ սառը՝ խրթխրթան բագետի կամ թարմ եփած պաստայի հետ: