Որովայնը հարթեցնող սննդակարգ

Պառկեք մեջքի վրա` ձեռքերը ձգած դեպի կողքերը: Ուղիղ բարձրացրեք ոտքերը, ծալեք աջ ոտքը: Շնչեք և ձախ ձեռքը ծալելով՝ գլուխը հրեք դեպի ձախ, միևնույն ժամանակ աջ ոտքը ձգեք դեպի ձախ: Արտաշնչեք, ոտքերը և գլուխն իջեցրեք հատակին: Կրկնեք վարժությունը 8 անգամ, յուրաքանչյուր անգամ` տարբեր կողմ:

Ծնկների վրա կանգնեք հատակին և ծալած ձեռքերը դրեք հատակին այնպես, որպեսզի դրանք գտնվեն իրար կողքի, որովայնից ներքև, մեջքը պահեք կատվի կեցվածքով: Հանգստացեք և վերադարձեք ելակետային դիրքի: Շնչեք, երբ մարմինը բարձրացնում եք, և արտաշնչեք, երբ իջեցնում եք: Կրկնեք վարժությունը 8 անգամ:

Պառկեք մեջքի վրա, ձեռքերը դրեք գլխի ետևում, արմունկները բարձրացրեք: Դանդաղ բարձրացրեք գլուխը՝ միաժամանակ ուղիղ բարձրացնելով ոտքերը: Երբ ձգվում եք դեպի վեր, հատակից մի բարձրացրեք մեջքը և նստատեղը: Գլուխը բարձրացնելիս՝ շնչեք, գլուխն իջեցնելիս՝ արտաշնչեք: Կրկնեք վարժությունը 8 անգամ:

Որովայնի հարթեցմանն ուղղված դիետան հիմնված է օրական 3 անգամ ցածր յուղայնությամբ կերակրի ընդունման վրա: Պետք է խուսափել կերակրի ընդունման ժամերի միջև ընկած ժամանակահատվածներում որևէ բան ուտելուց: Արգելված մթերքների ցանկն ընդգրկում է քաղցրավենիք, թխվածք, յուղ կամ այլ ճարպեր, պանիր (բացառությամբ` գյուղական թեթև պանրից), տապակած կերակուրները և այնպիսի մսամթերքները, ինչպիսիք են երշիկը և պաշտետը: Խորհուրդ է տրվում օրական երեք անգամ ընդունել առողջ, հավասարակշռված սնունդ. նախաճաշ, ճաշ և ընթրիք` նախուտեստով, հիմնական ուտեստով և աղանդերով: