Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
Բանջարեղենային հնարամտություններ ուտեստները համեմելու համար
17.12.2013
Պատրաստի և առաքվող ուտեստները կարելի է արագորեն համեմել` ավելացնելով բանջարեղեն կամ արագ սառեցված ոլոռ կամ կտրտած լոլիկ:
Եթե մատուցում եք սառեցված ձկան ձողիկներ, մենք խորհուրդ ենք տալիս դրանք համադրել սառեցված ոլոռի և եգիպտացորենի հետ:
Ստորև բերված են մի քանի եղանակներ` պատրաստի ուտեստները զարդարելու համար.
- Պիցցայի վրա կարելի է դնել առանց ջրի պահածոյացված լոլիկ (ամենալավը դրա և կանաչեղենի, համեմունքների կամ սխտորի համադրությունն է) և սառեցված բանջարեղեն, օրինակ, կտրտած սպանախ, բրոկկոլի, ոլոռ և եգիպտացորեն: Այդ ամենի վրա շաղ տվեք պանիր կամ չորացրած հացի փշրանքներ:
- Սառեցված լազանյայի վրա կարելի է դնել դդմիկի կամ լոլիկի հաստ շերտեր: Այդ ամենի վրա շաղ տվեք մանրացված պարմեզան և թխեք: Մատուցեք որևէ աղցանի հետ:
- Պատրաստի մեքսիկական ուտեստը կարելի է մատուցել տեղում արագ պատրաստված սալսա սոուսով: Խորանարդաձև կտրատեք մի քիչ լոլիկ, վարունգ, մեկ սոխ և մի քիչ նեխուր: Խառնեք բոլոր բաղադրիչները և համեմեք աղով ու պղպեղով: Ավելացրեք խորանարդաձև կտրատված չիլի պղպեղ և թարմ կտրատած համեմ:
- Սառեցված կարկանդակի վրա ցանկալի է ավելացնել բանջարեղենի շերտ և թխել այն մինչև լավ տաքանա, իսկ բանջարեղենը փափկի: Խորհուրդ է տրվում կտրտել մի քիչ սունկ ու լոլիկ և երկարությամբ կտրտել տարբեր գույնի տաքդեղներ ու դդմիկ:
- Նրբաբլիթ կամ տորտիլլա գնելիս, կարելի է դրանք լցոնել կտրտած սառեցված սպանախով, կարիք չկա հալեցնել այն: Կարելի է օգտագործել սպանախի ռուլետներ` կաթնաշոռի և կտրտած կանաչ կամ գլուխ սոխի հետ խառնած: Դրեք այն հրակայուն ամանի մեջ, լցրեք վրան 1-2 տարա կտրտած լոլիկ` կանաչեղենով, վրան շաղ տվեք մի քիչ քերած պանիր և թխեք:
- Հնդկական ուտեստների հետ կարելի է պատրաստել ռաիտայի պես աղցան: Անհրաժեշտ է խորանարդաձև կտրտած վարունգին խառնել կանաչ կամ գլուխ սոխ, քերած գազար և կտրտած ջրկոտեմ կամ համեմ` ցածր յուղայնությամբ բնական յոգուրտի հետ: Վրան շաղ տվեք թարմ կտրտած անանուխ և մի փոքր աղացած չիլի:
- Չինական ուտեստներից խորհուրդ ենք տալիս պարզ արևելյան աղցանը: Խառնեք թարմ լոբու ծիլեր` կտրտած կանաչ կամ գլուխ սոխ, պահածոյացված բամբուկի ծիլեր և կտրտած տերեփուկ: Այս աղցանը մատուցեք չինական կաղամբի տերևների վրա՝ վրան շաղ տալով մի փոքր քնջութի ձեթ կամ սոյայի սոուս: