Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
Մաքրող դիետա
18.11.2013
Սննդի մեջ պարունակվող քիմիկատները դանդաղեցնում են մեր աղիների աշխատանքը և թույլ չեն տալիս վերջնականապես ազատվել ավելորդ քաշից: Այդ պատճառով արժե ազատվել այդ քիմիկատներից: Խոտաբույսերը կարող են օգնել մեզ դրանում: Դրանք կարելի է ձեռք բերել առանձին-առանձին կամ հատուկ խառնուրդների տեսքով: Այս նպատակով օգտագործվող հիանալի խոտաբույսերից են արծաթախոտը կամ կանաչ թեյի էքստրակտը: Դրանք ոչ միայն մաքրում են օրգանիզմը, այլև բարելավում են մարսողական համակարգի, հատկապես լյարդի աշխատանքը, որը կատարում է բոլոր ճարպերի վերամշակման ֆուկցիան: Սննդի ընդունման ժամանակահատվածների միջև անհրաժեշտ է օգտագործել բուսական թեյեր:
Փոփոխեք ձեր ճաշացուցակը
Հրաշք-դիետայի անհրաժեշտություն չկա: Եթե ուզում եք Ձեզ զգալ ավելի թեթև և նույնիսկ ազատվել շաբաթական 2 կիլոգրամ ավելորդ քաշից, կիրառեք դիետայի հետևյալ կանոնները`
- Սկսեք սնվել օրական 4-5 անգամ: Եթե Դուք սնվում եք երկար ընդմիջումներով, Դուք ստիպված ավելի շատ «անպիտան» արագ սնունդ եք օգտագործում այդ ընդմիջումների ընթացքում: Կերեք քիչ, բայց հաճախակի, և հնարավորություն կունենաք դիմակայելու արագ սննդի գայթակղությանը, կսովորեք գրաֆիկով սնվել, և Ձեր օրգանիզմը կմարսի ամբողջ կերածը:
- Մի մոռացեք նախաճաշել: Եթե Դուք այն բաց եք թողնում կամ ուշացնում եք, օրգանիզմի նյութափոխանակությունը դանդաղում է: Հետազոտությունները ցույց են տվել, որ եթե մարդիկ չեն նախաճաշում, երեկոյան ունենում են սովի նոպաներ:
- Աշխատանքի գնալիս միշտ պետք է նախաճաշ վերցնել: Տանը պատրաստված սենդվիչները և աղցանները ավելի լավ են, քան աշխատանքի գնալու ճանապարհին գնված քաղցր թխվածքներն ու կրուասանները:
- Ընթրիքի համար պատրաստեք թեթև կերակուրներ՝ առավելապես օգտագործելով բանջարեղեն: Ձմռանը և աշնանը օգտագործեք առողջ սառեցված սննդամթերք:
- Խմեք շատ ջուր, նախընտրելի է՝ ոչ գազավորված: Սկսեք մեկ բաժակից` նախաճաշից առաջ, օրինակ` մի կտոր կիտրոնով կամ թարմ անանուխի տերևով:
«Չի կարելի»-ների ցուցակ
Կազմեք սննդամթերքների ցանկը, որոնցից դուք պետք է խստորեն խուսափեք: Այդ ցանկը չպետք է լինի չափազանզ մեծ: Բավական է հրաժարվել քաղցր գազավորված խմիչքներից և քաղցր նախուտեստներից, և դուք կտեսնեք, թե ինչպես է ձեր քաշը բավական արագորեն նվազում: Փոխարինեք թեյը ջրով և շոկոլադե սալիկների և տորթերի փոխարեն ընտրեք ընկույզ, չամիչ կամ լոռամիրգ:
Մանրաթելերի անհրաժեշտության մասին
Մանրաթելերի մեծ մասը պարունակվում է չմաղված ալյուրից պատրաստված սննդամթերքներում, բանջարեղեններում և մրգերում (կեղևով): Առանց դրանց դժվար կլինի նիհարել, ինչպես նաև գտնվել լավ հոգեվիճակում: Բջջանյութը կարգավորում է աղեստամոքսային տրակտի աշխատանքը և նպաստում մարսողությանը: Նույնիսկ թեթև սնունդը, որը պարունակում է մանրաթելեր, կհագեցնի Ձեզ` հետ պահելով արագ սնվելու ցանկությունից և քաղցրավենիքի պահանջից: Մանրաթելերն իրենց մեջ կլանում են շատ տոքսիններ, որոնք պարունակվում են մեր կերած սննդամթերքներում, և նպաստում դրանց արագ մարսվելուն: Մանրաթելերը նվազեցնում են խոլեստերինի պարունակությունը արյան մեջ և կանխարգելում զարկերակների կարծրացումը:
Ճաշացանկի օրինակ
Նախաճաշ. Խոզապուխտի շերտով տոստ, երկու կտոր հաց` պատած կարագի բարակ շերտով: Մատուցել լոլիկով, թթու վարունգով և գարնանային սոխով:
Ընդմիջում. Անուշաբույր աղցան. կտրտեք լավ եփած ձու և մեկ շերտ հունական այծի պանիր` ֆետա (50գ): Ավելացրեք կանաչ կաթնուկի մի քանի տերև, թարմ վարունգ, ռեհանի և անանուխի տերևներ: Համեմեք քացախով: Հետը ըմպեք խնձորի հյութ:
Ճաշ. Հավով աղցան. խառնեք կանաչ կաթնուկը կտրատած լոլիկի և պղպեղի հետ: Ավելացրեք 100գ. տապակած և կտրատած հավի կրծքամիս: Համեմեք խառնուրդը մեկ ճաշի գդալ ձիթապտղի ձեթով և քերած պանրով: Մատուցեք աղցանը հացի մեկ կտորով:
Ընթրիք. Խեկ ձուկ բրոկկոլիով. 150գ. խեկի ֆիլե` համեմված կիտրոնի հյութով, ձիթապտղի ձեթով, աղով և պղպեղով: Եփել այն նրբաթիթեղի մեջ: Մատուցել եփած բրոկկոլիով և մեկ կտոր աշորայի հացով: