Մանուշակագույն բանջարեղեն. հակաօքսիդանտների հարուստ աղբյուր

Մանուշակագույնը` որպես գույն, առաջանում է անտոցիանինից` ուժեղ հակաօքսիդանտ հատկություններով բնական գունանյութից: Այս գունանյութերի կարևորագուն առավելություններն են`

• իջեցնում են արյան ճնշումը
• կանխարգելում են դիաբետը
• չեզոքացնում են ազատ ռադիկալները
• կանխարգելում են Պարկինսոնի, Ալցհեյմերի և բազմաթիվ սկլերոտիկ հիվանդություններ
• լավացնում են տեսողությունը

Մանուշակագույն մթերքները լի են հակաօքսիդանտներով: Բջիջները լավ լիճակում պահելու համար դրանք պետք է լավ սնուցված և թթվածնով հագեցած լինեն: Ազատ ռադիկալները հարձակվում և վնասում են մեր բջիջները, իսկ վնասված բջիջը չի կարող նորմալ նյութափոխանակություն կատարել:

Հակաօքսիդանտներն օրգանիզմից հեռացնում են ազատ ռադիկալները՝ ուղղակիորեն նպաստելով բջիջների առողջացմանը և առողջ պահելով մեր բոլոր օրգանները: Անտոցիանինի (բանջարեղենի մանուշակագույն գույնի համար պատասխանատու նյութի) բարենպաստ հատկանիշները կապված են նաև դրանց հակաբորբոքային ազդեցության, թրոմբոցիտների կուտակման կանխարգելման և մազանոթների ամրացման հետ: Դրանք շատ արժեքավոր են նաև տեսողության պահպանման և բարելավման համար: Վերջին ուսումնասիրությունները ցույց են տվել նաև, որ մանուշակագույն մրգերով և բանջարեղեններով սնվելը դրական ազդեցություն է գործում Ալցհեյմերի, Պարկինսոնի և բազմաթիվ սկլերոտիկ հիվանդությունների դեմ պայքարելիս: Սիրված մանուշակագույն մթերքներն են`

• կարմիր սոխը
• ճակնդեղը
• սմբուկը
• կարմիր լոբին
• կարմիր կաղամբը