Լիբանանյան խոհանոցը՝ որպես խոհարարական ներշնչանքի աղբյուր

Այն միջազգայնորեն հայտնի է որպես հաճախ այցելվող խոհանոց, երբ հարցը վերաբերվում է սննդարար և համեղ ուտեստներին: Ի տարբերություն Միջին Արևելքի շատ խոհարարական ոճերի, այն զարմանալիորեն հարմար է նաև բուսակերներին և ներառում է այնպիսի առողջարար բաղադրիչներ, ինչպիսիք են կանաչեղենը, համեմունքները, սեզոնային բանջարեղենը և բուսական յուղերը: Լիբանանյան խոհանոցում կան բազմաթիվ ճաշատեսակներ, որոնք կգրգռեն ձեր երևակայությունը, և որոնցից դուք կստանաք առողջ կերակրատեսակների պատրաստման ձեր խոհարարական ներշնչանքը: Դրանցից են.

Ոսպով ապուր – ավանդական կերակուր է Ռամադանի երեկոյի համար: Այն պատրաստվում է կարմիր ոսպով, սոխով և պղպեղով, սակայն հանգիստ կարող եք լոբի ավելացնել, ոլոռ, բրինձ, ոչ յուղալի միս և այլ բաղադրիչներ այս խառնուրդին: Այն փետուրի պես թեթև է ստամոքսի համար և շատ առողջարար:

Ֆաթուշ կամ գյուղական աղցան – կանաչ պղպեղի, լոլիկի, վարունգի, սոխի և կանաչիների (դրանց թվում՝ սպանախ և անանուխ) անկրկնելի խառնուրդ է: Այս ճաշատեսակը հարմար է գարնան համար:

Եթե սիրում եք բանջարեղեն պատրաստել, ստեղծագործական ձևեր եք փնտրում առողջարար բաղադրիչները ձեր սննդակարգ մտցնելու համար, սակայն չեք ուզում ամբողջ ժամանակն անցկացնել խոհանոցում (վերջ ի վերջո կյանք պետք է ապրեք և արկածներ ունենաք, չէ՞), ապա բացի լիբանանյան խոհանոցից այլ տեղ մի փնտրեք ներշնչանք: Զբաղված մարդու համար, ով դեռևս ուզում է ապրել և առողջ սնվել, սա իհարկե Աստծո պարգև է: