Լավ կազմվածք՝ զինվորական սննդակարգի միջոցով

Զինվորական սննդակարգ

Վերջերս աշխարհում ի հայտ եկավ սնվելու պլանավորման մի նոր ալիք, որը հիմնված էր ոչ թե մթերքների որոշակի խմբի նկատմամբ հակվածության և մյուսների անտեսման, այլ որոշակի ռեժիմով սնվելու վրա: Զինվորական սննդակարգը դրանցից մեկն է. դրա ստեղծողը սահմանում է, որ աճելու համար մարդը պետք է սկսի քիչ ուտել օրվա ընթացքում և մեծ ճաշ ունենա քնելուց մի քանի ժամ առաջ:

Զինվորական սննդակարգի հեղինակի համաձայն՝ նախկինում մարդն իր կյանքի տևողության մեծ մասի ընթացքում իր աշխատանքի (որսորդություն և հավաքչություն) պատճառով օրվա ընթացքում քիչ է սնվել, իսկ երեկոյան, երբ հանգստանալու ժամանակ է ունեցել, սնվել է մեծ քանակությամբ: Այսպիսով, քաշը հեշտությամբ նվազեցնելու բաղադրատոմսը հենց այս կերպ վարվելն է:

Կանոններ

Զինվորական սննդակարգի կանոնները քիչ են, բայց կարևոր.
1. Սոված մի մնացեք ավելի քան 12 ժամ. սա ձեզ ավելի շատ վնաս կտա, քան օգուտ:

2. Օրվա ընթացքում թեթևակի սնվեք առողջ սնունդով: Մի խնձոր կերեք, մի բուռ հատապտուղ, ընկուզեղեն, մի բաժակ կաթ կամ ինչ-որ հեշտ ու թեթև մի բան օրվա ընթացքում: Սա ձեր միտքը հստակ կպահի և օրգանիզմն էլ լավ կաշխատի:

3. Երեկոյան կերեք որքան ուզեք: Ճիշտ կլինի դա անել քնելուց 3-4 ժամ առաջ:

Ուտելիքի համար կոնկրետ սահմանափակումներ չկան, քանի որ երեկոյան ուտելիքը պարունակում է բավարար մակրոսնուցիչներ՝ սպիտակուցներ, ճարպեր և ածխաջրեր:

4. Մարզվեք: Արագ քայլեք, վազեք, ծանրություն բարձրացրեք, մարմնի քաշի համար վարժություններ արեք, յոգայով զբաղվեք, արեք այն ամենն ինչ հետաքրքիր ու զվարճալի եք համարում: Եթե ճիշտ եք հետևում սննդակարգին, մարզանքի ժամանակ և հետո էներգիայի պակաս չեք զգա:

Զինվորական սննդակարգը շատ հայտնի դարձավ և հաջողության հասավ անմիջապես ներկայացվելուց հետո: Հեշտությամբ քաշ կորցնելու համար այն գուցե և կատարյալ լուծում չէ, սակայն եթե ուզում եք հետևել պարզ և ոչ խիստ սննդակարգի, արժե փորձել այս մեկը:

Լավ կազմվածք՝ զինվորական սննդակարգի միջոցով

Զինվորական սննդակարգ

Կանոններ

ԿԱՐԴԱՑԵՔ ՆԱԵՎ

Ավելին կայքում