Խոհարարական ոգեշնչում առողջ խավարտ պատրաստելու համար

Կարող եք պատրաստել առողջարար խավարտների բազմաթիվ տեսակներ, որոնք շատ ժամանակ չեն խլի և նոր համ կհաղորդեն ձեզ արդեն ծանոթ ճաշատեսակներին:

Դրանք կարող են ձեզ հաղորդել խահարարական նոր անսահման ոգեշնչում. վերջ ի վերջո կան շատ առողջ բաղադրիչներ, որոնք լավ են համադրվում տարբեր հիմնական ուտեստների հետ:

Ահա մի շարք առաջարկներ, որոնք կօգնեն ձեզ ավելի հեշտ սկսել.

Խորոված կարտոֆիլ – ֆրանսիական ֆրիի կամ խաշած կարտոֆիլի փոխարեն փորձեք դրանք խորովել ջեռոցում: Սա ավելի պարզ ու առողջարար այլընտրանք է, որը լավ կհամադրվի յուրաքանչյուր ճաշատեսակի հետ: Ավելի լավ արդյունքի համար կարող եք նաև օգտագործել քաղցր կարտոֆիլ:

Կանաչեղեն – կանաչեղենի խառնուրդը հիանալի խավարտ է կամ նույնիսկ խավարտի լրացում: Ռեհանի թարմ տերևները, անանուխը, մաղադանոսն ու սամիթը, միայն մի քանի տարբերակներ են, որոնք ձեր ուտեստն ավելի համեղ կդարձնեն:
Համեմունքներ – ավելացրեք դրանք քիչ կամ շատ, ինչպես որ կկամենաք, քանի որ նույնիսկ չորացրած վիճակում դրանք շատ օգտակար են: Ծիտրոնը, օրեգանոն, ռեհանը, սուսամբարը և անանուխը կարող են հրաշքներ գործել թե՛ խավարտի, և թե՛ հիմնական ուտեստի հետ: Պատրաստեք հիանալի խառնուրդ՝ ըստ ձեր ճաշակի:

Ինչպես տեսնում եք, առողջարար խավարտները բավական հնարավորություններ են տալիս վարժեցնելու ձեր խոհարարական ունակությունները և ավելացնելու նորանոր երանգներ ձեր կողմից արդեն իսկ իմացած ու սիրված ուտեստներին: