Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
Կառուցեք ձեր մարմինը
26.02.2014
Վայելե՜ք կյանքն ակտիվորեն
Ֆիզիկական վարժությունները զվարճալի են. մի քիչ քրտինք, մկաններում հաճելի ցավ և մի փոքր հոգնածություն: Սա ցածր գին է, որ վճարում ես մարմինդ ավելի լավը դարձնելու համար: Փոխարենը ձեռք ես բերում սեփական անձի նկատմամբ բավարարվածության, վստահության և ի վերջո, երջանկության զգացում: Այսօր հնարավոր է ֆիզիկական վարժությունների բազմազան ցանկից ընտրել հենց նրանք, որոնք լավագույնս համապատասխանում են ձեր մարմնի առանձնահատկություններին, քանի որ դրանք հասանելի են դարձել բոլորին: Օրական ընդամենը 30 րոպե ֆիզիկական մարզանքը կփոխի ձեր կառուցվածքը` հաղորդելով հարթ որովայն, նրբագեղ և սլացիկ ոտքեր: Այս արդյունքին, իրոք, հնարավոր է հասնել: Արդյունքում գեղեցիկ մարմնից բացի կշահեք նաև լրացուցիչ էներգիա, բարձր տրամադրություն, դեմքին ժպիտ և ամուր առողջություն:
Ձեռք բերեք ձեր երազած մարմինը և կիսեք ձեր հաջողությունը ընկերների հետ
Այո՜, այո՜, հենց այդպես: Հասեք մարմնի ձեր ուզած չափսերին և կիսեք ձեր ձեռքբերման բերկրանքը հարազատների և ընկերների հետ: Եթե չեք ցանկանում միայնակ սկսել պարապել, ապա խնդրեք ընկերոջը միանալ ձեզ: Ընկերովի սպորտով զբաղվելը ամուր ընկերություն և ընտանիք հաստատելու հիանալի միջոց է: Պարզապես անհրաժեշտ է մոտակա ֆիթնես ակումբում փորձել ֆիզիկական ակտիվության ամենատարբեր ուղղությունները` յոգա, պիլաթես, տայ չի,ստեփ-աերոբիկա և ընտրել հենց այն մեկը, որն ամենաշատը կհավանեք: Հնարավոր է նաև, որ հավանեք բոլորը միաժամանակ: Կարող եք նաև պարապել տանը կամ դուրս գալ քայլելու մոտակա այգի: Եթե ավելի մեծ ֆիզիկական ծանրաբեռնվածության կարիք կա, ապա ընտրեք վազքը: Ոգևորեք մեկդ մեկիդ, մրցեք և կազմակերպեք ամբողջական վազքի մրցումներ ընկերների հետ՝ ինչքան շատ, այնքան լավ: Պարապեք, քրտնեք և ուրախացեք, վայելեք ամեն մի պարապմունքը ձեր ընկերների շրջապատում: