Կարմիր բանջարեղենը` առողջ սիրտ ունենալու համար

Բանջարեղենների կարմիր գույնն օժտում է դրանց առողջությունը բարելավող մի շարք հատկանիշներով, որոնցից կարող ենք առանձնացնել հետևյալները`

• տրամադրության բարձրացում,
• ախորժակի և արյունատար անոթների լավացում,
• խոլեստերինի մակարդակի իջեցում,
• արյան ճնշման կայունացում,
• սրտի աշխատանքի կարգավորում:

Կարմիր բանջարեղենները, մասնավորապես ինտենսիվ գույն ունեցողները, նախ ազդում են սրտի աշխատանքի վրա՝ դրանց մեջ պարունակվող լիկոպենի շնորհիվ: Այն հակաօքսիդանտ է, որը խթանում է սրտի աշխատանքը և նվազեցնում է խոլեստերինի մակարդակը: Այն նաև պայքարում է ծերացման դեմ և ունի հակաքաղցկեղային ազդեցություն: Բանջարեղենների այս խումբը պարունակում է մեծ քանակությամբ կալիում, որն ազդում է սրտի ռիթմի վրա՝ կարգավորելով և կայունացնելով արյան ճնշումը: Կարմիր բանջարեղենները հարուստ են նաև անտոցիանինով, որն արյունատար անոթներն ամրապնդող բնական գունանյութ է: Կարոտինոիդները հաջորդ բուժիչ պիգմենտներն են, որոնք կարող են լավացնել մեր տրամադրությունը: Հետազոտությունների համաձայն, լավատեսների մոտ այս քիմիական միացության կոնցենտրացիան 13%-ով բարձր է:

Ահա կարմիր բանջարեղենների մի քանի օրինակ`

• կարմիր պղպեղ
• ճակնդեղ
• կարմիր կաղամբ
• բողկ
• խավարծիլ
• լոլիկ