Կալցիում` քաշը նվազեցնող դիետաների գլխավոր տարրը

Անվիճելի ապացույցներ

Գիտնականները համոզված են, որ կալցիումն օգնում է մեզ մեկընդմիշտ հրաժեշտ տալ մեր օրգանիզմի ճարպին: Փորձը, որը տևել է երկու շաբաթ, ապացուցում է, որ երբ Դուք կաթնային դիետա եք պահում, Դուք ավելի շատ կիլոգրամների եք կորցնում: Սա տեղի է ունենում, երբ Ձեր կալցիումի աղբյուրը կաթնամթերքներն են: Կանայք, ում դիետան աղքատ է կալցիումով, ավելի հաստ ճարպային շերտ, ավելի հաստ մեջք և վատ խոլեստերինի ավելի բարձր մակարդակ ունեն, քան ովքեր ընդունում են չափավոր կամ մեծ քանակությամբ կալցիում:

Տուրբո այրիչ

Կալցիումի պակաս ունեցող մարդիկ ավելի շատ են քաղց զգում, ինչը նշանակում է, որ նրանք ավելի շատ են ուտում՝ փորձելով լրացնել այդ անբավարարությունը: Կալցիումի ավելի շատ օգտագործումը կարող է բարելավել ճարպերի փոխանակությունը, կարգավորել քաշը և կանխարգելել քաշի ավելացումը: Եթե Դուք ավելորդ քաշ ունեք և անընդհատ արագ սնունդ եք օգտագործում, չեք խմում կաթ, չեք ուտում կաթնամթերք կամ ձուկ, Ձեզ համար դժվար կլինի քաշ իջեցնելը:

Որտեղ պետք է փնտրել այս տարրը

Առողջ մարդու համար կալցիումի օրական չափաբաժինը մոտավորապես 1000մգ է (աղջիկների, հղի կանանց և դաշտանադադարի շրջանում գտնվող կանանց համար այս ցուցանիշը համապատասխանաբար ավելի բարձր է): Եթե Դուք ունեք ավելորդ քաշ, 1500մգ չափաբաժինը բավարար է քաշն իջեցնելու և ավելորդ ախորժակը նվազեցնելու համար: Բացի կաթից և կաթնամթերքներից, կալցիում կա թարմ ձկան և բանջարեղենների մեջ. կանաչատերև բանջարեղեն, բրոկոլլի, ծաղկակաղամբ, ընկուզեղեն, ծովամթերք և ձկնեղեն (սաղմոն, շպրոտ): Օգտակար է նաև կալցիումով հարստացված սննդամթերքի օգտագործումը՝ հացահատիկներ, նարնջի հյութ, պանիր և յոգուրտ:

Կալցիումով հարուստ կամ հարստացված սննդամթերքներն ավելի նախընտրելի են օրգանիզմի համար, քան կալցիումային հավելումները, քանի որ դրանք ավելի հեշտությամբ են յուրացվում օրգանիզմի կողմից:

D վիտամինի դուետը

D վիտամինը պատասխանատու է կալցիումի կլանման համար. երբ օրգանիզմում կա D վիտամինի պակաս, այն չի կարող կլանել կալցիումը: Ստացվում է, որ կալցիումը և D վիտամինն աշխատում են միասին՝ կարգավորելով ճարպերի փոխանակությունը օրգանիզմի ճարպային բջիջներում, ինչպես նաև ինտենսիվացնելով դրանց այրումը: D վիտամինի բնական աղբյուր է յուղոտ ծովային ձուկը:

Կաթնամթերք առավոտից երեկո

Նախաճաշ. կեֆիրը խառնել ելակի կամ հապալասի հետ: Սմութիի այս տեսակը կթարմացնի և կակտիվացնի մարմինը:

Ճաշ. խորոված պղպեղներ` լցոնած ֆետա պանրով, սխտորով և ձիթապտուղներով կակտիվացնի և կստիպի ձեզ աշխատել առանց ստամոքսն անտեղի ծանրաբեռնելու:

Ընթրիք. բնական յոգուրտով և թարմ մրգերով տաք բրինձ: Այսպիսի ուտեստից դուք քաշ չեք հավաքի:

Քնելուց առաջ ըմպեք մեկ բաժակ տաք կաթ` մեկ թեյի գդալ մեղրով: Այն կօգնի ձեզ հանգստանալ և հեշտությամբ քնել: