Կալանետիկա
1 ժամ 20-ի փոխարեն
Կալանետիկայի վարժությունները ստեղծվել են Կալան Փինքնիի կողմից, ով ստեղծել էր դրանք կատարյալ կեցվածք, ուղիղ մարմին ստանալու և տեսքը լավացնելու համար: Ասում են, որ կալանետիկայի մեկ ժամը հավասարվում է 20 ժամ աերոբիկայի կամ մի քանի ժամ դասական վարժություններ անելուն: Վարժությունները բավականին պարզ են, սակայն շատ լարված և պահանջում են հետևողականություն և համակարգված մոտեցում: Պետք է ուշադիր հետևեք հրահանգներին մարմնի կեցվածքի համար: Սկզբից վարժությունները կարող են շատ դժվար թվալ, բայց որոշ ժամանակ անց դրանք անելու մեջ որևէ դժվարություն չեք տեսնի:
Մարզումներ տանը
Մինչև վարժությունները տանը սկսելը խորհուրդ է տրվում մի քանի ժամ պարապել մասնագետի հետ ֆիտնես ակումբում: Լավ կլինի նաև որոշ ժամանակ անցկացնել տեխնիկայի մասին կարդալով: Շարժումները պետք է դանդաղ արվեն, պետք է ճիշտ շնչել: Հանգստացնող երաժշտության ճիշտ տեսակը նույնպես կօգնի հաղթահարելու լարվածությունը և մտավոր հանգստանալու: Մարզումները պետք է կրկնվեն շաբաթական նվազագույնը երկու անգամ մեկ ժամ տևողությամբ:
Արդյունավետ պրակտիկա
- Տաքացում: Նախորդում է հիմնական վարժություններին, օգնում է հանգստացնել մկանները և մարմինը պատրաստել մեծ ջանքերի: Պետք է ժամանակ լինի մարզելու իրանը, ուսերը, մեջքը և վիզը:
- Հիմնական վարժություններ: Շարժվում է դեպի ոտքերը, կոնքերը և փորը: Շատ կարևոր է ճիշտ շնչելը:
- Ձգում վարժությունների վերջում:
- Խորհուրդ է տրվում յուրաքանչյուր վարժությունն անել որոշակի ժամանակի ընթացքում՝ 50-ից 100 վայրկյանով: Այսպիսով, պետք է ձեզ հետ ժամանակաչափ ունենաք:
