Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
Ինչպես նվազեցնել քաշն առանց ջանքի և զոհաբերությունների
18.12.2013
Մշտապես հոգնա՞ծ եք, էներգիայի կարի՞ք եք զգում: Նկատում եք, որ Ձեր փորը մեծանու՞մ է: Ավելին, դիետաները, որոնք փորձել եք, բոլորն անարդյունավե՞տ են թվում: Փորձեք ավելի ուշադրությամբ զննել այն, ինչը սովորաբար դնում եք ձեր ափսեի մեջ: Ոչ ճիշտ նյութափոխանակության և ավելորդ քաշի պատճառներից մեկը կարող է լինել թթուների ավելցուկը: Որոշ սննդամթերքներ, որոնք Դուք կանոնավոր կերպով ուտում եք, օրինակ, միսը, ձուն, բարակ կտրտած մսամթերքը, յուղերը, պանիրը և քաղցրավենիքը կարող են ունենալ թթվեցնող ազդեցություն Ձեր օրգանիզմի վրա, որը, վերջին հաշվով, կբերի նյութափոխանակության դանդաղեցման, մարմնի զանգվածի ավելացման և վատ ինքնազգացողության:
- Հիմնային ազդեցություն ունեցող սննդամթերքները , որոնք բաղկացած են բանջարեղեններից (բացառությամբ ոլոռի և սոյայի), մրգերից (բացառությամբ լոռամրգի և հապալասի) և կաթնամթերքներից, պետք է կազմեն մեր սննդի 3/4 մասը:
- Թթվային ազդեցություն ունեցող սննդամթերքները , որոնք բաղկացած են մսի բոլոր տեսակից, ձկից, բարակ կտրտած մսամթերքից, յուղերից, պանրից, ձվից (հատկապես, դեղնուցից), շաքարից և քաղցրավենիքից, բրնձից, մակարոնից, վարսակի ալյուրից, մյուսլիներից, ցորենից, անմաղ ալյուրից և ընկուզեղենից, պետք է կազմեն մեր սննդի 1/4 մասը:
Կանաչ սմութին ազատում է տոքսիններից և էներգիա է հաղորդում
Խառնեք մեկ բաժակ բնական յոգուրտ, թարմ վարունգ, ½ պճեղ սխտոր, ½ թարմ անանուխի տերև: Ապա ավելացրեք մեկական պտղունց պղպեղ և աղ` համի համար: Խմեք կոկտեյլը սառնարանում սառեցնելուց հետո:
Նիհարելու օր
Յուրաքանչյուր սննդի ընդունման ժամանակ Ձեր ափսեն պետք է պարունակի ¾ հիմնային սննդամթերք (առավելապես, բանջարեղեն և մրգեր) և ¼ թթվային սննդամթերքներ (միս, ճարպեր). սա Ձեզ կօգնի վերականգնել օրգանիզմի քիմիական հավասարակշռությունը և կորցնել նույնիսկ մինչև 4 կիլոգրամ` 7 օրում:
Դիետայի ընթացքում խմեք առնվազն 8 բաժակ հեղուկ. կարելի է խմել թարմ բանջարեղենի և մրգերի հյութեր, բուսական թեյեր, հանքային ջուր (քիչ հանքային աղեր պարունակող և թույլ գազավորված, քանի որ գազավորված ջուրը պարունակում է ածխաթթու, որն ունի թթվեցնող հատկություն):
Ճաշացանկի օրինակ
Նախաճաշ. մեկ գավաթ յոգուրտ (կեֆիր կամ կաթ) 3 ճաշի գդալ մյուսլիով և ½ բաժակ մրգային խառնուրդով, մեկ թեյի գդալ մեղր, թարմ նարնջի հյութ:
Ժամը 11-ի շրջանում. խառնուրդ` ½ պահածոյացված թունայի տարա՝ խառնած 2 ճաշի գդալ կանաչ ոլոռի հետ, համեմված բույսերով և կարմիր պապրիկայով, լոլիկ և մեկ բաժակ կանաչ թեյ:
Ճաշ. 2 նրբաբլիթ բանջարեղենային լցոնով (3 ճաշի գդալ կտրատած սպանախ, ½ ավոկադո, ½ վարունգ, ½ լոլիկ, ½ փոքր ցուկկինի, 5 բրոկկոլի և 15 գ. տոֆու), ջուր ½ կիտրոնից քամած հյութով կամ կանաչ սմութի:
Նախուտեստ. մեկ գավաթ կտրատած թարմ բանջարեղեն՝ գազար, վարունգ, պղպեղ, ½ բաժակ յոգուրտի սոուս բույսերով, 15 գ. եփած հավի դոշ, կանաչ սմութի:
Ընթրիք. 10 գ. ձողաձուկ (կամ իշխան) համեմունքներով (օրինակ` պղպեղ, սխտոր), թարմ բանջարեղեն (կաթնուկ, ½ պղպեղ, ½ վարունգ, ½ լոլիկ, 3 բողկ) և շոգեխաշած բանջարեղեն (մի քանի բրոկկոլի, ծաղկակաղամբ, գազար և բարակ շերտերով կտրատած ճակնդեղ), մեկ ճաշի գդալ կանաչ ոլոռ (այս ամենը պետք է համեմել բույսերով), մեկ թեյի գդալ կիտրոնի հյութ և ձիթապտղի ձեթ: