Հոլանդական խոհանոց

Չնայած այն այդքան հայտնի չէ աշխարհում, որքան ֆրանսիականն ու իտալականը, սակայն այստեղ օգտագործվում են ճաշատեսակներ, որոնք հայտնի են և հեշտությամբ կարող են պատրաստվել:

Հոլանդական խոհանոցում ձուկը և բանջարեղենն ամենակարևոր դերն են խաղում: Հյուսիսային խոհանոցին հատուկ է ճաշատեսակների ոչ մեծ տեսականանին: Այս խոհանոցի պարզության արմատները գնում են մինչև 20-րդ դարի սկիզբ, երբ Հոլանդիայում ստեղծվեցին տնային դպրոցները, որտեղ աղջիկները սովորում էին տնտեսություն վարելու նրբությունները: Այդ դպրոցներում պատրաստվող ճաշատեսակները պարզեցված էին և հիմա դրանք հոլանդական խոհանոցի հիմքն են:

Նարինջով բրենդի

Մենք կարող ենք նկատել հարևան երկրների՝ հատկապես գերմանական և սկանդինավյան խոհանոցների ազդեցությունը: Գերմանացիների նման` հոլանդացիները նույնպես սիրում են գարեջուր, հատկապես` լագեռ (թեթև գարեջուր): Այնպիսի ապրանքանիշերն, ինչպիսիք են Հեյնիկենը, Գրոլշն ու Ամստելը, բավականին հայտնի են նույնիսկ Հոլանդիայից դուրս: Թագավորական ընտանիքի տոնակատարությունների ժամանակ նարինջով մի անսովոր բրենդի է մատուցվում:

Թեյի, սուրճի և այլ խմիչքների տեսակները կարևոր դեր են խաղում աղանդերի ուղեկցության մեջ: Թեյը և սուրճը Հոլանդիայում հայտնվել են բավականին վաղուց. դրանք բերվել են Հնդկաստոնում հոլանդական գաղութներից և անմիջապես հայտնի դարձել եվրոպական այլ երկրներում:

“Սուրճի ժամը” (koffietijd) Հոլանդիայում ընդմիջում է առավոտյան 10-11-ի և երեկոյան 7-8-ի հատվածում: Մի կանոն կա` “մի կտոր թխվածք մի բաժակի համար”, որը համարվում է հոլանդական խնայող բնավորության արդյունք: Հոլանդացիները սպիտակ սուրճը “սխալ” են համարում, նրանք միայն սև սուրճին են վերաբերվում որպես “իսկականի”: Հոլանդացիները նաև սիրում են անիսոնով տաք շոկոլադ ու կաթ:

Ըմպելիքների հետ ճաշակելու համար հոլանդացիներն ունեն տարբեր աղանդեր, ինչպես ափելգեբակն է (դարչինով խնձորի կարկանդակը), սպեկուլաասը (դարչինով փոքրիկ թխվածքաբլիթները), ստրուփվաֆլները (մեջտեղում թանձր օշարակով կլոր վաֆլիները) կամ պոֆերտյեները (փոքրիկ նրբաբլիթներ): Հետաքրքիր է, որ հոլանդական շատ քաղաքներում այսպիսի աղանդերը վաճառում են դրսում նրանց համար, ովքեր դրանք տանը պատրաստելու ժամանակ չունեն: