Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
Ճամփորդել խոհարարական ոգեշնչման համար. ինչ կարող են սովորեցնել աշխարհի մթերքները
09.08.2013
Խոհարարական ոգեշնչում
Ճամփորդելը կհարստացնի ձեր գիտելիքները ոչ միայն այլ մշակույթների և ձեր հայրենիքի, այլ նաև ձեր օրական սննդակարգի մասին: Ողջ աշխարհում կա մթերքների անվերջանալի տեսականի, և դրանցից շատերը հաստատ կհամընկնեն ձեր խոհարարական ճաշակի հետ:
Ահա թե ինչի վրա պետք է ավելի շատ ուշադրություն դարձնեն ճանապարհորդները նոր համեր փորձելիս՝
Համեմունքներ – դրանք կարող են անճանաչելիորեն փոխել յուրաքանչյուր ուտեստի համը, և շատ խոհանոցներ կատարելագործել են դրանց օգտագործման ձևը՝ հասցնելով այն արվեստի: Եթե զգում եք, որ եվրոպացիներն ու հյուսիսամերիկացիներն օգտագործում են համեմունքները չափազանց քիչ և առանց հաճույքի, անցեք Հարավարևելյան Ասիա և Միջին Արևելք նոր բացահայտումների և գաղափարների համար:
Միս – հանդիսանալով սպիտակուցների ձեր առաջնային աղբյուրը՝ միսը պետք է լինի համեղ ու բազմազան: Միջին Արևելքի ավանդական մշակույթները և Ավստրալիայի բնիկները կարող են օգնել մսի նոր համերի ձեր փնտրտուքներում:
Մթերքի այս տեսակի ավելի ավանդական գաղափարների համար մտածեք Կենտրոնական և Արևելյան Եվրոպա այցելելու մասին, որպեսզի գնահատեք այնտեղի՝ որսի միս պատրաստելու դարավոր ավանդույթը:
Բանջարեղեն – շատ հաճախ մենք ընդունում ենք այն ինչպես կա և թեկուզ թեթևակի չենք լայնացնում մեր հորիզոններն ու նոր բանջարեղեններ ավելացնում մեր սննդակարգին: Ոսպը, սիսեռը, սմբուկը, դդմիկը և այլն, չնայած որ շատ օգտակար են ու համեղ, սակայն վատ են ներկայացված Արևմտյան խոհանոցի ավանդույթներում: Հարավային Կովկասը, Չինաստանը և Միջին Արևելքը կփոխեն ձեր պատկերացումները բանջարեղենի և կանաչեղենի մասին:
Ինչպես տեսնում եք, պարզապես ձեր աչքերը բաց պահելով և համտեսելով ուտելիքները ողջ աշխարհով մեկ՝ շատ բան կարող եք սովորել, և ձեզ հետ տուն տանել խոհանոցային ոգեշնչանքի ու պատրաստման մտքերի թանկարժեք գանձարանը: