Ամառային սննդակարգ

Արձակուրդային ճկունություն

Այս սննդակարգի հիմնական պահանջներն են.

- Ուտել քիչ, բայց հաճախ,

- Մեծ քանակությամբ հեղուկներ խմել,

- Բանջարեղենը և մրգերը վիտամինների լավագուն աղբյուրն են,

- Հետևել թեթև սննդակարգի կանոններին:

Do not forget about physical activity in your summer diet activity

Ուտել քիչ, բայց հաճախ

Եթե մեծ քանակությամբ սնունդ ընդունեք օրվա վերջում, ապա ուտելիքը կմնա ստամոքսում, կառաջացնի այրոց և ընդհանուր ծանրության զգացում: Սա է պատճառը, որ ավելի լավ է 4-5 անգամ թեթև ճաշել 3-4 ժամը մեկ:

Խմել մեծ քանակությամբ հեղուկներ

Չոր օդը, ծովի քամին, ամառային բարձր ջերմաստիճանը և արևի տակ հաճախ մերկանալը ջրազրկում են օրգանիզմը սովորականից ավելի արագ: Ջուրը մարդու օրգանիզմի հիմնական բաղադրիչն է: Օրգանիզմի բոլոր պրոցեսները կապված են ջրի հետ: Ահա թե ինչու մենք պետք է խմենք որքան հնարավոր է շատ հեղուկ: Սա կարագացնի մարսողությունը՝ դարձնելով այն ավելի սահուն, և կօգնի մեր օրգանիզմին ազատվել թունավոր նյութերից: Ջուրն օրգանիզմի բջիջների հիմնական տարրն է: Օրգանիզմի ջրազրկման արդյունքը կարող է լինել չոր մաշկը, կնճիռները և գրգռվածությունը: Մենք չպետք է մոռանանք խմել օրական ամենաքիչը 2.5 լիտր ջուր ամառվա ընթացքում:

summer diet plan Obey the rules on light diet

Փոքր չափաբաժիններ

Կերեք որոշակի ուտելիքներ որոշակի ժամերի. այսպես ձեր օրգանիզմը կհագեցնեք անհրաժեշտ էներգիայով և կբարելավեք աղիների աշխատանքը: Ստամոքսն ամենալավն աշխատում է այն դեպքում, երբ սննդի քանակը փոքր է և կարող է անմիջապես մարսվել:

Բանջարեղենն ու մրգերը՝ վիտամինների լավագույն աղբյուր

Եթե շատ ժամանակ անցկացնենք արևի տակ, մաշկի լավ գույն կստանանք, սակայն նաև մեր առողջությունը կարող է վատթարանալ: Այսպիսի խնդիրների արդյունք կարող է լինել մաշկի ծերացումը, բծերը և անոթային փոփոխությունները, որոնք հայտնվում են մարմնի այն մասերում, որոնք ավելի բաց են արևի համար: Պետք է օգտագործել համապատասխան կոսմետիկ միջոցներ՝ բարձր արևապաշտպանությամբ (ամենաքիչը 15 ֆակտոր), որոնք արդյունավետորեն կպաշտպանեն մեզ արևից: Բացի դրանից, պետք է օգտագործել որքան հնարավոր է շատ թարմ բանջարեղեն և մրգեր: Առաջին հերթին պետք է ընտրել նրանք, որոնք հարուստ են վիտամիններով և հակաօքսիդանտներով, ինչպիսիք են՝ A, C և E վիտամինները: Դրանք պայքարում են ազատ ռադիկալների դեմ, որոնք արևից մեր օրգանիզմի պաշտպանված չլինելու արդյունքն են:

Հետևյալներ աբնջարեղենները վերը նշված վիտամինների լավ աղբյուր են.

A (բետա կարոտին)՝ այն բանջարեղեններն ու մրգերը, որոնք ունեն դեղին, նարնջագույն կամ կանաչ գույն՝ գազար, դդում, սիսեռ, կանաչ լոբի, բրոկկոլի, ծիրան, դեղձ, սեխ:

C՝ մասուր, հատապտուղներ, ցիտրուսային մրգեր, պղպեղ, լոլիկ, մաղադանոս, կաղամբ, կարտոֆիլ, ծովաբողկ:

E՝ բանջարեղենային յուղեր, ծիլեր և սերմեր (հատկապես ցորեն), տերևներով բանջարեղեններ՝ մաղադանոս, սպանախ, հազար, և հացահատիկներ:

Մի մոռացեք ֆիզիկական ակտիվության մասին

Երբ գնում եք ծովափ կամ լեռներ, ձեզ հետ վերցրեք հեծանիվ և օգտագործեք այն՝ ծովափին պառկելու փոխարեն: Առավոտյան հաճելի վազքից հետո, օրվա մնացած մասը դուք շատ ակտիվ կլինեք: Մենք առաջարկում ենք լողալ, լողալ և … նորից լողալ: Սա շատ օգտակար է ձեր օրգանիզմի՝ հատկապես ողնաշարի համար:

Պահեք թեթև սննդակարգ

Շատ դժվար է էներգիան պահպանել երկար ամառային օրը: Օրգանիզմը ավելորդ չծանրաբեռնելու համար խուսափեք ծանր ուտելիքներից, որ երկար ժամանակ կմնան ձեր ստամոքսում: Մենք խորհուրդ ենք տալիս ընտրել թեթև ուտելիքներ, որոնք հարուստ են սննդարար նյութերով: