Աերոբիկա

Աերոբիկայի վարժությունների ժամանակ սրտանոթային համակարգն արձագանքում է մարմնի ֆիզիկական ծանրաբեռնվածությանը՝ բարձրացնելով մկանների աշխատանքի համար անհրաժեշտ թթվածնի կլանումը: Ռիթմիկ վարժությունները միտված են մեծ մկանային հատվածների վրա, ինչը բարձրացնում է օրգանիզմում թթվածնի պահանջը:

Ազդում է օրգանիզմի վրա

Աերոբիկան դրականորեն է ազդում մեր մարմնի վրա: Ճարպային հյուսվածքները փոքրանում են, վերադառնում է ճիշտ քաշը, արյան ճնշումը կայունանում է, արյան մեջ խոլեստերինի պարունակությունը նվազում է: Մենք ունենում ենք երիտասարդ տեսք և ավելի լավ ենք զգում:

Վարժությունների տեսակները

Աերոբիկայի վարժությունների խմբի մեջ կարելի է մտցնել վազքը, պարը, քայլքը, լողը, հեծանվավազքը և այլն: Թե՛ կանայք և թե՛ տղամարդիկ կարող են օգուտ ստանալ ֆիզիկական ակտիվության այս տեսակից:

Կանոնավոր պարապմունքների օգուտները

Կանոնավոր պարապմունքը (օրինակ, օրական 30 րոպե) տալիս է այս վարժության բոլոր օգուտները.

• բարձրացնում է օրգանիզմի իմունիտետը
• բարձրացնում տրամադրությունը, կանխում ընկճախտն ու վախերը
• խթանում լավ քունը
• օգնում նվազեցնել օրգանիզմի ճարպերը և հետևել քաշին

Վարժություններ

Սկզբից լավ կլինի սկսել շաբաթական 3 անգամից և բարձրացնել վարժությունների տևողությունն ու բարդությունը:

Աերոբիկայի վարժությունները սովորաբար բաղկացած են երեք մասից.

• Տաքացում. Մարմինը պետք է պատրաստ լինի մեծ ջանքերի, այսպիսով լավ կլինի չմոռանալ տաքացման մասին: Երբ սրտի զարկերի հաճախականությունը և մկանների ջերմությունը բարձրանում են, վնասվածքի ավելի քիչ վտանգ կա: Ժամանակը՝ 5-10 րոպե:
• Աերոբիկայի պարապմունքներ (կարդիո). Սրա նպատակն է բարձրացնել արյան շրջանառության և շնչառական արդյունավետությունը և այրել ճարպային հյուսվածքները: Ամենաարդյունավետն այստեղ կլինի երկարատև թեթև, բայց ինտենսիվ պարապմունքը, որն օրգանիզմում կբերի թթվածնային փոփոխությունների: Ժամանակը՝ 25-45 րոպե:
• Հատուկ մկաններ ուժեղացնելու վարժություն. Այս վարժությունները արվում են մկանների հատուկ մասերի համար կամ կատարվում են ծանրությամբ: Ժամանակը՝ 5-10 րոպե: