Սննդի հետ գինու համադրման սկզբունքները

Ուտեստներ, որոնք համապատասխանում են սպիտակ և վարդագույն գինիներին

Սպիտակ գինիներ. Այս ավելի նուրբ և մեղմ համ ունեցող գինիներն ամենից լավ համադրվում են հում և շոգեխաշած բանջարեղենի, ծովամթերքի և ձկնեղենի, ինչպես նաև շատ քիչ համեմված թեթև ուտեստների հետ:

Թեթև նախուտեստները, ինչպիսիք են մրգերը, հիանալիորեն համակցվում են թեթև սպիտակ լիկյորների հետ:

Ծանր սպիտակ և վարդագույն գինիներ. Ունեն ավելի արտահայտիչ և կտրուկ համ, լրացնում են շոգեխաշած, տապակած կամ ապխտած ձկնային ուտեստների համը: Կարող եք նաև փորձել սպիտակ գինիները համադրել մուգ գույնի մսերի հետ՝ նուրբ, թեթևակի համեմված և շոգեխաշած, մատուցված քիչ քանակությամբ սոուսի հետ:

Կարմիր գինին շատ լավ համակցվում է ուժեղ բուրմունք ունեցող ցանկացած ուտեստի հետ: Պետք է նաև հիշել, որ նման խմիչքը կարող է ունենալ ինտենսիվության տարբեր մակարդակներ: Բաց կարմիր գինիները կարելի է մատուցել կծու, թռչնամսից պատրաստած ուտեստների հետ: Մուգ կարմիր գինիներն ամենից լավ համակցվում են մուգ մսերի հետ՝ թե՛ աղացած, թե՛ տապակած, և թե՛ խորոված: Չափազանց անուշաբույր և ուժեղ գինիներն ամենից հարմար է մատուցել թարմ որսի մսի հետ՝ հատկապես այն ճաշատեսակների հետ, որոնք մատուցվում են մուգ և թանձր սոուսներով:

Փրփրուն գինին ամենադասական ապերիտիվներից մեկն է: Այն նաև գինու միակ տեսակն է, որը կարելի է համակցել բոլոր տեսակի ուտեստների հետ, օրինակ՝ ձկնեղենի, բանջարեղենի, պանիրների և աղանդերի:

Աղանդերի հետ հարկավոր է մատուցել կիսաքաղցր կամ քաղցր աղանդերային գինի: Եթե աղանդերը շատ քաղցր է, ապա կիսաքաղցր գինին բավարար է: Կեսօրի խորտիկների հետ կարելի է մատուցել ինչպես սպիտակ, այնպես էլ կարմիր գինի:

Արդեն գիտեք բոլոր սկզբունքները. կիրառե՛ք դրանք ընկերական հավաքույթների ժամանակ

Վայելե՛ք ձեր խնջույքն ու իմացե՛ք ավելին ... կայքում

Cuisses de grenouilles (Գորտի ոտքեր) – գորտի ոտքերը շոգեխաշած սպիտակ գինու սոուսում