Այս կայքը օգտագործում է թխուկներ տվյալների պահպանման համար: Շարունակելով օգտվել կայքից՝ դուք համաձայնում եք այդ ֆայլերի օգտագործմանը:
3 ամենաառողջարար բանջարեղենները, որոնք օգնում են երիտասարդ մնալ
16.08.2013
Մնացեք երիտասարդ
Տարիքից պետք չէ վախենալ, եթե լավ եք հոգում ձեր մասին: Սակայն մենք բոլորս ուզում ենք երիտասարդ տեսք ունենալ և առողջ մնալ որքան հնարավոր է երկար, այդպես չէ՞: Լավ նորությունն այն է, որ կարող եք օգտագործել բնության ուտելի հարստություններն այդ անելու համար: Եթե ուզում եք երիտասարդ մնալ թե՛ արտաքինով, թե՛ առողջությամբ, կան երկու կենսական բաղադրիչներ, որոնք կօգնեն հաջողության հասնելուն՝ սնվել ճիշտ և կանոնավոր մարզվել: Առաջինն ակնհայտ է, սակայն ո՞ր մթերքներն ունեն հակատարիքային արդյունք և արդյո՞ք դրանք օգուտ են տալիս:
Այս երկու հարցերի պատասխաններն են «բանջարեղեն»-ը և «այո»-ն: Առողջարար բանջարեղեններն արդյունավետ ազդեցություն ունեն մեր օրգանիզմի վերականգնողական հատկությունների վրա, որովհետև դրանք հարուստ են հակաօքսիդանտներով. բաղադրիչներ, որոնք օգնում են դիմակայել ուլտրամանուշակագույն ճառագայթներին: Այս հակաօքսիդանտները կարող են օգնել ձեզ մնալ ճկուն և էներգիայով լի, եթե ճիշտ բանջարեղեն եք ուտում:
Եկեք ուսումնասիրենք երեք լավագույն բանջարեղենները, որոնք կարելի է ավելացնել սննդակարգին ծերացման ընթացքը դանդաղեցնելու համար:
Սպանախ
Այս բանջարեղենը պարունակում է մեծ քանակությամբ C վիտամին: Այն օգնում է մաշկին արտադրել և պահպանել կոլլագեն, որն անմիջապես պատասխանատու է մաշկի էլաստիկության համար: Սպանախը լի է հակաօքսիդանտներով: Առողջությանը նպաստելու համար պետք է այն ուտել հում վիճակում, լավ լվանալուց հետո կամ շոգեխաշել:
Գազար
Հայտնի է որպես տեսողությանը նպաստող բանջարեղեն: Այն նաև լի է վիտամիններով և միկրոէլեմենտներով, որոնք ձեր եղունգներն ու մազերը առողջ են պահում: Միևնույն ժամանակ գազարի հյութը ամենաառողջարար խմիչքներից մեկն է:
Բրոկկոլի
Հայտնի է որպես քաղցկեղի դեմ պայքարող նյութեր, C վիտամին, ծծումբ և օգտակար ամինաթթուներ պարունակող բանջարեղեն: Այն ձեր օրգանիզմն ազատում է տարբեր տոքսիններից և խթանում դրա վերականգնողական հատկությունները: Ինչպես և սպանախը, բրոկկոլին նույնպես կարող եք հում ուտել: Եթե երեխա ժամանակ ատել եք բրոկկոլին, ապա այժմ ավելի լավ է մեծանաք ու սիրեք այն:
Մշտապես ուտելով այս երեք առողջարար բանջարեղենները և համատեղելով դրանք վարժությունների հետ՝ դուք կմնաք երիտասարդ և հիասքանչ կզգաք ձեզ: Վայելեք կնճիռներին և սպիտակ մազերին «ոչ այսօր» ասելու հաճույքը`ամբողջ օրը համեղ գազարի հյութ խմելով: