3 ամենաառողջարար բանջարեղենները ֆիտնեսի սիրահարների համար
14.08.2013
Առողջարար բանջարեղեն
Երբ հերթը հասնում է ակտիվորեն սպորտով զբաղվելուն և միևնույն ժամանակ բալանսավորված սնվելուն, կան որոշ մթերքներ, որոնք ֆիտնեսի սիրահարները միանշանակ պետք է ուտեն:
Մարզանքն ու ֆիտնեսն արդյունավետ են միայն այն ժամանակ, երբ զուգակցվում են բալանսավորված սննդակարգի հետ: Օգտագործելով ամենաառողջարար բանջարեղենն ու մյուս մթերքները՝ դուք կկրկնապատկեք սպորտի դրական ազդեցությունը ձեր մարմնի վրա, կլինեք էներգիայով լի, երիտասարդ տեսք կունենաք և այդպիսով երջանիկ կլինեք:
Եկեք խոսենք այն երեք ամենաառողջարար բանջարեղենների մասին, որոնք կարող են գեղեցկացնել ձեր սեղանը:
- Սոխ – գուցե այն հոտավետ է, սակայն շատ առողջարար է: Այն պարունակում է C վիտամինի առատ քանակություն (ավելի շատ, քան նարինջը), պեպտիդներ, որոնք օգնում են օրգանիզմին պահպանել կալցիումն ու իմունիտետի համար անհրաժեշտ տարբեր հակաօքսիդանտներ:
- Ընդեղեն – խիստ բուսակերներն ու պարզապես բուսակերները կարող են անցնել լոբազգիներին, ոսպին և սիսեռին հավելյալ սպիտակուցների համար, մինչդեռ մյուսները կգնահատեն դրանց մեջ մանրաթելերի և հակաօքսիդանտների մեծ քանակությունը, որոնք հանդիսանում են հակաքաղցկեղային և հակատարիքային բաղադրիչներ:
- Քաղցր կարտոֆիլ – ի տարբերություն սովորական կարտոֆիլի՝ սրանք հարուստ են երկաթով և վիտամիններով, ինչը հատկապես կարևոր է սպորտով զբաղվող կանանց համար: Քանի որ կանանց օրական գրեթե երկու անգամ ավելի շատ երկաթ է հարկավոր, քան տղամարդկանց, այս բանջարեղենը ցանկալի հավելում կլինի նրանց սննդակարգին: Տղամարդկանց քաղցր կարտոֆիլը կառաջարկի էներգիա և նորից շատ վիտամիններ:
