Կայքն օգտագործում է քուքիներ: Օգտվելով կայքից` Դուք համաձայնվում եք մեր քուքի քաղաքականությանը:

Իմանալ ավելին

Սպիտակ և կարմիր լոբի

Կարմիր լոբի

Լոբին խորհուրդ է տրվում բուսակերներին` որպես սպիտակուցների անգնահատելի աղբյուր: Գիտականորեն ապացուցված է, որ այն պարունակում է ավելի շատ սպիտակուցներ, քան միսը: Կարմիր լոբին B վիտամինների, հատկապես, B1 վիտամինի հարուստ աղբյուր է, որն ազդում է որպես հակադեպրեսանտ և լավացնում է հիշողությունը: Լոբին նաև հարուստ է կալիումով, կալցիումով ու ֆոսֆորով, որոնք հոգ են տանում արյան շրջանառության համակարգի համար և ամրացնում են ոսկորները: Բացի այդ, լոբին պարունակում է շատ երկաթ, ֆոլաթթու, սելեն և ցինկ: Այս հանքային աղերը շատ կարևոր դեր են կատարում մարսողության և իմունային համակարգերի նորմալ գործունեության համար ու չեզոքացնում են ազատ ռադիկալները: Լոբու հատիկներում պարունակվող մանրաթելերը նպաստում են ավելորդ խոլեստերինի հեռացմանը օրգանիզմից, որը դրական է ազդում նաև մեր սրտանոթային համակարգի աշխատանքի վրա: Բացի այդ, կարմիր լոբին հարուստ է իզոֆլավոնով. տարր, որը նվազեցնում է շագանակագեղձի քաղցկեղի վտանգը` տղամարդկանց համար, և օգտակար է կանանց համար` դաշտանադադարի ընթացքում: Ցածր գլիկեմիկ մակարդակը լոբու հաջորդ մեծ առավելությունն է: Այն նպաստում է արյան մեջ շաքարի կայուն մակարդակի ապահովմանը: Կարմիր լոբու մեջ պարունակվող պիգմենտը կարևոր դեր է կատարում` որպես հակաօքսիդանտ:

White & Red Kidney Beans

Սպիտակ լոբի

Սպիտակ լոբին նույնպես բուսական սպիտակուցի արժեքավոր աղբյուր է: Այս բանջարեղենը լրացնում է երկաթի, պղնձի, ցինկի, ֆոսֆորի, մագնեզիումի պաշարները և անհրաժեշտ է  օրգանիզմի նորմալ գործունեության համար: Այն պարունակում է նաև A, E և B վիտամիններ: Հիմնային միջավայր ստեղծելու իր հատկության շնորհիվ, լոբին նպաստում է օրգանիզմի թթվային հավասարակշռության պահպանմանը: Լոբու հատիկները նաև մանրաթելերի հիանալի աղբյուր են, նպաստելով մարսողության համակարգի աշխատանքի բարելավմանը: Բացի այդ, նրա օգտագործումը բարենպաստ է ազդում աղիների միկրոֆլորայի, ենթաստամոքսային գեղձի նորմալ գործունեության, լյարդի և հաստ աղիքի վրա: Ապացուցվել է, որ մեր սննդակարգում սպիտակ լոբու կանոնավոր օգտագործումը իջեցնում է արյան մեջ խոլեստերինի ընդհանուր մակարդակը՝ նվազեցնելով սրտի հիվանդությունների վտանգը: Ավելին, լոբու այս բազմազան տեսակները լեցիտինի բնական աղբյուր են, որոնք բարենպաստ են ազդում նյարդային համակարգի, ուշադրության կենտրոնացման և հիշողության վրա:


Ձեզ կարող է հետաքրքրել նաև

Տապակած պանիր
Տապակած պանիր

Տապակած պանրի՝ չեխական խոհանոցի խորտիկի բաղադրատոմս, որը շատ հեշտ է պատրաստվում:

2 անձի համար 30-45 րոպե Պարզ
Հավը շամպինյոններով սերուցքային սոուսում
Հավը շամպինյոններով սերուցքային սոուսում

Համեղ և հյութեղ հավը սերուցքային սոուսի մեջ՝ շամպինյոններով:

4 անձի համար մինչև 15 րոպե Միջին բարդության
Մեքսիկական աղցան կուս-կուսով
Մեքսիկական աղցան կուս-կուսով

Համեղ ուտեստ, որը կուրախացնի ձեր մտերիմներին

2 անձի համար 15-30 րոպե Պարզ
Քաղցր եգիպտացորենով կարկանդակ
Քաղցր եգիպտացորենով կարկանդակ

Եգիպտացորենով քաղցր, հյութալի և համեղ կարկանդակ, որը կարող է Ձեզ ուրախացնել։

10 անձի համար ավելի, քան 45 րոպե Միջին բարդության
Սպիտակ և կարմիր լոբի

Կարմիր լոբի

Լոբին խորհուրդ է տրվում բուսակերներին` որպես սպիտակուցների անգնահատելի աղբյուր: Գիտականորեն ապացուցված է, որ այն պարունակում է ավելի շատ սպիտակուցներ, քան միսը: Կարմիր լոբին B վիտամինների, հատկապես, B1 վիտամինի հարուստ աղբյուր է, որն ազդում է որպես հակադեպրեսանտ և լավացնում է հիշողությունը: Լոբին նաև հարուստ է կալիումով, կալցիումով ու ֆոսֆորով, որոնք հոգ են տանում արյան շրջանառության համակարգի համար և ամրացնում են ոսկորները: Բացի այդ, լոբին պարունակում է շատ երկաթ, ֆոլաթթու, սելեն և ցինկ: Այս հանքային աղերը շատ կարևոր դեր են կատարում մարսողության և իմունային համակարգերի նորմալ գործունեության համար ու չեզոքացնում են ազատ ռադիկալները: Լոբու հատիկներում պարունակվող մանրաթելերը նպաստում են ավելորդ խոլեստերինի հեռացմանը օրգանիզմից, որը դրական է ազդում նաև մեր սրտանոթային համակարգի աշխատանքի վրա: Բացի այդ, կարմիր լոբին հարուստ է իզոֆլավոնով. տարր, որը նվազեցնում է շագանակագեղձի քաղցկեղի վտանգը` տղամարդկանց համար, և օգտակար է կանանց համար` դաշտանադադարի ընթացքում: Ցածր գլիկեմիկ մակարդակը լոբու հաջորդ մեծ առավելությունն է: Այն նպաստում է արյան մեջ շաքարի կայուն մակարդակի ապահովմանը: Կարմիր լոբու մեջ պարունակվող պիգմենտը կարևոր դեր է կատարում` որպես հակաօքսիդանտ:

White & Red Kidney Beans

Սպիտակ լոբի

Սպիտակ լոբին նույնպես բուսական սպիտակուցի արժեքավոր աղբյուր է: Այս բանջարեղենը լրացնում է երկաթի, պղնձի, ցինկի, ֆոսֆորի, մագնեզիումի պաշարները և անհրաժեշտ է  օրգանիզմի նորմալ գործունեության համար: Այն պարունակում է նաև A, E և B վիտամիններ: Հիմնային միջավայր ստեղծելու իր հատկության շնորհիվ, լոբին նպաստում է օրգանիզմի թթվային հավասարակշռության պահպանմանը: Լոբու հատիկները նաև մանրաթելերի հիանալի աղբյուր են, նպաստելով մարսողության համակարգի աշխատանքի բարելավմանը: Բացի այդ, նրա օգտագործումը բարենպաստ է ազդում աղիների միկրոֆլորայի, ենթաստամոքսային գեղձի նորմալ գործունեության, լյարդի և հաստ աղիքի վրա: Ապացուցվել է, որ մեր սննդակարգում սպիտակ լոբու կանոնավոր օգտագործումը իջեցնում է արյան մեջ խոլեստերինի ընդհանուր մակարդակը՝ նվազեցնելով սրտի հիվանդությունների վտանգը: Ավելին, լոբու այս բազմազան տեսակները լեցիտինի բնական աղբյուր են, որոնք բարենպաստ են ազդում նյարդային համակարգի, ուշադրության կենտրոնացման և հիշողության վրա:

Ecommerce Modal Title
Ecommerce Modal Description