Ծնեբեկ

100գ ծնեբեկ – 23 ԿԿալ

Պարունակում է մեծ քանակությամբ А, С վիտամիններ, ինչպես նաև այնպիսի արժեքավոր միկրոէլեմենտներ, ինչպիսիք են երկաթը, կալիումը, ցինկը և մանրաթելերը:

Երիտասարդ լինել

Կանաչ ծնեբեկը հայտնի է հակաօքսիդանտների մեծ քանակության պարունակությամբ, որոնք խոչընդոտում են վաղաժամ ծերացմանը: Ահա թե ինչու է ծնեբեկը հոլիվուդյան գեղեցկուհիների սիրելի կերակուրը: Այն ցածր կալորիականությամբ և հեշտ յուրացվող բանջարեղեն է: Պարունակում է ֆոլաթթու, որն օգնում է պայքարել երեխաների մոտ բնածին արատների, ինչպես նաև հոգնածության և սրտի հիվանդությունների դեմ:

Ամբողջական ցամաքեցում

Ծնեբեկը բնական միզամուղ միջոց է, օգնում է մանրէական վարակների և միզուղիների բորբոքման բուժման ժամանակ: Իր այս հատկությունների շնորհիվ այն նաև կարող է օգտագործվել այտուցվածության դեմ:

Ծնեբեկը սեղանի վրա

Մինչև օրս էլ ծնեբեկից ուտեստներն ասոցացվում են բացառիկ շքեղության հետ: Այն հանդիպում է ինչպես միջերկրածովյան, այնպես էլ հյուսիսեվրոպական, ասիական և ամերիկյան խոհանոցների բաղադրատոմսերում:
Ծնեբեկը խաշում են և օգտագործում տաք կամ սառը վիճակում:

Բանջարեղենային եռագույն

Վաճառքում հանդիպում է կանաչ, բաց մանուշակագույն և սպիտակ ծնեբեկ: Դա միևնույն բույսն է՝ աճեցված տարբեր լուսավորության տակ: Կանաչ ծնեբեկն աճում է արևի տակ, սպիտակը՝ հողի տակ, իսկ մանուշակագույնին շատ քիչ է թույլատրվում արևի տակ գտնվել:

Համերի առատություն

Ծնեբեկը սերում է միջերկրածովյան ափերից: Հին հույները և եգիպտացիները սննդի մեջ օգտագործում էին ծնեբեկի վայրի տարատեսակը, իսկ հռոմեացիք սկսեցին այն աճեցնել: Այն համարվում էր աֆրոդիզիակ և դեղաբույս: Ավելի ուշ ծնեբեկի մասին որոշ ժամանակով մոռացան, իսկ Վերածննդի շրջանում այն ևս վերածնունդ ապրեց: Ծնեբեկը Լյուդովիկոս 14րդի սիրելի բանջարեղենն էր: Մինչև 19րդ դար այն դրվում էր միայն հարուստների սեղաններին: