Ոչնչացնում է մանրէները

Ամենից շատ գնահատվում է սոխի մանրէասպան և վարակները կանխող հատկությունը: Սոխի հյութը պարունակում է ֆիտոնցիդներ՝ բնական հակաբակտերիալ նյութեր: Կարևոր է իմանալ, որ հում սոխը հարուստ է նախ և առաջ հակաբակտերիալ միացություններով: Նույնիսկ եփված վիճակում սոխն ունի շատ օգտակար հատկություններ:  

Իջեցնում է խոլեստերինի մակարդակը, ամրապնդում սիրտը և պաշտպանում քաղցկեղից

Սոխն օգնում է խոլեստերինի դեմ պայքարում, քանի որ զգալիորեն իջեցնում է դրա մակարդակը: Արյան վրա ունենում է նոսրացնող ազդեցություն՝ իջեցնելով անոթների խցանման ռիսկը, իջեցնում արյան ճնշումը և պաշտպանում սիրտը: Այսօր իրականացվում են լայնածավալ հետազոտություններ՝ նպատակ ունենալով ապացուցել, որ սոխի և դրանից պատրաստված կերակուրների ամենօրյա օգտագործումն իջեցնում է քաղցկեղային հիվանդությունների ռիսկը:  

Առանց սոխի չէին լինի եգիպտական բուրգերը...

Սոխն ունի շուրջ 3000 տարվա պատմություն, դրա հայրենքին են համարվում Միջին Ասիան և Հնդկաստանը: Այն Եվրոպա է հասել հռոմեացիների միջոցով, իսկ Քրիստոփոր Կոլումբոսը տարածեց այն օվկիանոսի մյուս կողմում: Սոխի պատկերներ գտել են նույնիսկ եգիպտական բուրգերի վրա. դրանով սնվում էին բուրգերը սարքող ստրուկները, քանի որ սոխը նաև կանխարգելում է  համաճարակների տարածումը: Այսօր սոխն աճեցվում է ողջ աշխարհում և լայն տարածում ունի բոլոր մայրցամաքների խոհանոցներում: