Կայքն օգտագործում է քուքիներ: Օգտվելով կայքից` Դուք համաձայնվում եք մեր քուքի քաղաքականությանը:
Փակել Իմանալ ավելին
Փակել Իմանալ ավելին

Արտիճուկ

100գ արտիճուկ – 57 ԿԿալ

Արտիճուկը պարունակում է մանրաթելեր, կալիում, կալցիում, երկաթ, ֆոսֆոր, կարոտին, ինչպես նաև B1, B2, PP և C վիտամիններ: 

Ինչպես օգտագործել

Արտիճուկի մեջ ուտելի են ծաղկաբաժակը և տերևների պտղամիսը: Կտրում ենք արտիճուկի ցողունը և վերևի մասը, վրան ցայում կիտրոնի հյութ, որպեսզի չսևանա, և եփում աղաջրում մոտ 20 րոպե: Տերևները թաթախում են ըստ նախասիրության պատրաստված սոուսերի մեջ, իսկ ներքին մասը՝ ծաղկաբաժակը, որը համարվում է արտիճուկի ամենահամեղ մասը, օգտագործվում է առանձին կամ ավելացվում աղցանների մեջ:

Արտիճուկն օգտակար է առողջության համար

Արտիճուկը պարունակում է ինուլին շաքար, ինչը թույլ է տալիս շաքարային դիաբետով հիվանդ մարդկանց օգտագործել այն իրենց սննդում: Արտիճուկն օգտագործում են արյան մեջ խոլեստերինի և տրիգլիցերիդների մակարդակն իջեցնող դեղերի արտադրության մեջ: Արտիճուկի տերևները նաև պարունակում են ֆլավոնոիդներ, որոնք կարգավորում են լյարդի և միզապարկի աշխատանքը: Ֆլավոնոիդները համարվում են ուժեղ հակաօքսիդանտներ. դրանք ոչնչացնում են ազատ ռադիկալները և իջեցնում օնկոլոգիական հիվանդությունների ռիսկը:

Աֆրոդիզիակ

Դեռևս հին ժամանակներում մարդիկ հավատում էին արտիճուկի՝ առողջություն ամրապնդող հատկություններին: Ծաղկաբաժակը, որը համարվում է արտիճուկի սիրտը, խորհուրդ է տրվում օգտագործել հում կամ եփված վիճակում՝ որպես հիանալի միջոց ինտիմ խնդիրների դեմ և ոչ միայն...

Բնական կոսմետիկ միջոց

Արտիճուկն օգտագործվում է կոսմետիկայի արտադրության մեջ՝ մտնելով այնպիսի միջոցների բաղադրության մեջ, ինչպիսիք են դեմք մաքրող կաթիկը, տոնիկը, կրեմները և դիմակները: Ունի պաշտպանիչ, մաքրող, հականեխիչ ազդեցություն, ինչպես նաև մաշկը ձգելու հատկություն, կանխարգելում է բորբոքային պրոցեսները, նպաստում պզուկների բուժմանը: Բացի այդ՝ արտիճուկն ունի ցավազրկող, հակավիրուսային և հակաալերգիկ հատկություններ: