Պատրաստման քայլեր
-
Սոխի յուղի պատրաստումը՝
-
Ձեթը տաքացնելով հասցնել շատ բարձր ջերմաստիճանի: Ավելացնել կտրտած շալոտը և աղը: Տապակել մինչև շալոտը դառնա խրթխրթան և ոսկեգույն:
-
Վերցնել կրակից և թողնել շալոտը տաք ձեթի մեջ մինչև այն դառնա շագանակագույն: Ձեթը կարելի է օգտագործել աղցանների, եփած հավի, մակարոնեղենի, ապուրների և շատ այլ վիետնամական ուտեստների համար:
-
Այն նաև կարելի է պահել սառնարանում ամուր փակված տարայի մեջ (մինչև 2 շաբաթ):
-
Աղցանի պատրաստումը՝
-
Վարունգը կտրտել բարակ շերտերով, վրան աղ լցնել և դնել մաղի վրա 15 րոպեով, որպեսզի ջուրը դուրս գա:
-
Գազարը կտրտել հնարավորինս բարակ շերտերով և դնել մի կողմ: Երբ վարունգի ջուրը դուրս գա, ուժեղ քամել այն ձեռքով: Մեկ լայմը կտրտել և դնել մի կողմ:
-
Փոքր ափսեի մեջ խառնել մյուս լայմի հյութը ձկան սոուսի, քունջութի յուղի, շաքարավազի, մանրացրած չիլի պղպեղի, սխտորի և կոճապղպեղի հետ:
-
Պատրաստված սոուսը լցնել վարունգի ու գազարի վրա, թողնել 5 րոպե, որպեսզի համերը խառնվեն:
-
Սպանախը լվանալ, չորացնել անձեռոցիկով, վրան լցնել սոխի յուղը (թողնելով 1-2 գդալ), դնել ափսեի մեջ:
-
Սպանախի շերտի վրա դնել գազարի կտորները սոուսով, շուրջը շարել միսը: Վրան լցնել մնացած 1-2 գդալ սոխի յուղը, գետնանուշը և նոր աղացած պղպեղը:
-
Մատուցում. զարդարել համեմի տերևներով և լայմի կտորներով:
