Պատրաստման քայլեր

• Քայլ 1
  Սպիտակ լոբին լվանալ, վրան լցնել սառը եռացրած ջուր և թողնել թրջած վիճակում 12 ժամ: Այնուհետև եփել այն նույն ջրում:
• Քայլ 2
  Հավի և ճագարի միսը լավ լվանալ և կտրտել: Կանաչ լոբին լվանալ: Լվացած լոլիկի վրա եռացրած ջուր լցնել, մաքրել կեղևը և կտրտել:
• Քայլ 3
  Ձեթը տաքացնել մեծ թավայում, ամեն կողմից տապակել հավի մսի կտորները: Նույն թավայի մեջ լցնել ճագարի մսի կտորները և նույնպես տապակել բոլոր կողմերից:
• Քայլ 4
  Ավելացնել պատիճավոր լոբին և տապակել ևս 2-3 րոպե: Այնուհետև ավելացնել եփած լոբին և կտրտած լոլիկը:
• Քայլ 5
  Ավելացնել քաղցր պղպեղը և խառնել: Բրինձն ավելացնել աստիճանաբար՝ պաելյոն խառնելով փայտե գդալով:
• Քայլ 6
  Ավելացնել աղն ու շաֆրանը: Խառնուրդի վրա ջուր լցնել, եռացնել և եփել մարմանդ կրակի վրա՝ ծածկված կափարիչով: Ուտեստը խառնելու կարիք չկա:
• Քայլ 7
  Պաելյոն եփում են 18-20 րոպեից ոչ ավելի: Այնուհետև պետք է այն վերցնել կրակից և թողնել 5 րոպե: Մատուցվում է տաքացրած ափսեի վրա: